ໂຮງຮຽນການເມືອງ-ການປົກຄອງແຂວງໄຊຍະບູລີສ້າງຂະບວນການແຂ່ງຂັນກິລາ ຊິງຂັນຂອງຜູ້ອຳນວຍການໂຮງຮຽນທິດສະດີການເມືອງ-ການປົກຄອງແຂວງໄຊຍບູລີ
ໃນຕອນບ່າຍຂອງວັນທີ 25 ພະຈິກ 2020 ນີ້ ນັກສຶກສາໂຮງຮຽນການເມືອງ-ການປົກຄອງແຂວງໄຊຍະບູລີ ໄດ້ສ້າງຂະບວນການແຂ່ງຂັນກິລາຂື້ນຢ່າງເປັນທາງການ ເພື່ອເປັນການສ້າງຂະບວນການສະເຫຼີມສະຫຼອງວັນຊາດ ຄົບຮອບ 45 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 100 ປີ ພ້ອມນີ້ກໍ່ເພື່ອເປັນການຜູກແໜ້ນຄວາມສາມັກຄີລະຫວ່າງຄູ-ອາຈານ ແລະ ນັກສຶກສາດ້ວຍກັນ ເປັນຕົ້ນແມ່ນນັກສຶກສາທິດສະດີການເມືອງ-ການປົກຄອງລະບົບຊັ້ນກາງ ຮຸ່ນທີ XVI-XVII ແລະ ລະບົບຊັ້ນຕົ້ນ ຮຸ່ນທີ IV ເຊິ່ງປະເພດກິລາທີ່ແຂ່ງຂັນໃນຄັ້ງນີ້ມີ ກິລາເປຕັ່ງ ຊາຍ ແລະ ກິລາບານສົ່ງຍິງ-ຊາຍ ໃນນັ້ນ ມີກິລາບານສົ່ງຊາຍ 4 ທີມ, ບານສົ່ງຍິງ 3 ທີມ, ເປຕັ່ງຊາຍມີ 4 ທີມ ເຊິ່ງຜົນຂອງການແຂ່ງຂັນຂອງກິລາໃນຄັ້ງນີ້ປະກົດວ່າ ທີມທີ່ຊະນະເລີດເປຕັ່ງຊາຍແມ່ນທີມຂອງຄູ-ອາຈານ, ທີມບານສົ່ງຊາຍຊະນະເລີດແມ່ນທີມນັກສຶກສາທິດສະດີຊັ້ນຕົ້ນ ຮຸ່ນທີ IV ແລະ ບານສົ່ງຍິງຊະນະເລີດແມ່ນທີມນັກສຶກສາທິດສະດີຊັ້ນກາງຮຸ່ນທີ XVI, ພາຍຫຼັງສຳເລັດການແຂ່ງຂັນກິລາແຕ່ລະປະເພດແລ້ວກໍໄດ້ມີການມອບຂອງຂັວນລາງວັນຕາມລຳດັບຂອງປະເພດ ກິລາ ເຊິ່ງຂັນລາງວັນທີ່ມາມອບໃນຄັ້ງນີ້ແມ່ນໄດ້ຮັບການອຸປະຖຳໂດຍຄອບຄົວຂອງທ່ານ ກອງທ່ຽນ ໄຊຍະພອນ ນັກສຶກສາຮຸ່ນທີ XVII.
ไม่มีความคิดเห็น:
แสดงความคิดเห็น