ຄອບຄົວທ່ານ ກອງທ່ຽນ ໄຊຍະພອນ ມອບຊຸດກິລາ ໃຫ້ກັບນັກສຶກສາທິດສະດີການເມືອງ-ການປົກຄອງຮຸ່ນທີ່ XVII
ໃນຕອນບ່າຍຂອງວັນທີ 24 ພະຈິກ 2020 ນີ້ໄດ້ມີພິທີມອບຊຸດກິລາໃຫ້ກັບນັກຮຽນນັກສຶກສາທິດສະດີການເມືອງ-ການປົກຄອງ ຊັ້ນກາງ ຮຸ່ນທີ XVIIຂື້ນຢ່າງເປັນທາງການຢູ່ທີ່ຫ້ອງຮຽນຂອງໂຮງຮຽນທິດສະດີການເມືອງ-ການປົກຄອງແຂວງໄຊຍະບູລີ. ເຊິ່ງເຄື່ອງທີ່ນຳມາມອບໃນຄັ້ງນີ້ມີ ຊຸດກິລາຈໍານວນ 50 ຊຸດ ລວມມູນຄ່າທັງໝົດ ເປັນເງິນ 3.020.000 ກີບ ກ່າວມອບໂດຍ ທ່ານ ກອງທ່ຽນ ໄຊຍະພອນ ຮອງຫົວໜ້າຂະແໜງກອງກວດກາປ່າໄມ້ແຂວງໄຊຍະບູລີ ທັງເປັນນັກສຶກສາທິດສະດີການເມືອງ-ການປົກຄອງຊັ້ນກາງ ຮຸ່ນທີ່ XVII ແລະ ໃຫ້ກຽດຕາງໜ້ານັກສຶກສາຂື້ນກ່າວຮັບໂດຍ ທ່ານ ສີແສງເພັດ ຈັນໂທ ປະທານຫ້ອງນັກສຶກສາ ຮຸ່ນທີ່ XVII ທັງນີ້ກໍ່ເພື່ອເປັນການຊຸກຍູ້ນ້ຳໃຈໃຫ້ກັບນັກຮຽນ-ນັກສຶກສາດ້ວຍກັນ ໃນການສ້າງຂະບວນການແຂ່ງຂັນກິລາ ເພື່ອສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 100 ປີ ໃຫ້ເປັນຂະບວນການຟົດຟື້ນ ແລະ ມີຄວາມໝາຍຄວາມສຳຄັນ. ນອກນັ້ນ ຍັງໄດ້ມີການມອບ ຂັນລາງວັນ ຈຳນວນ 3 ໜ່ວຍ ໃນມູນຄ່າ 500.000 ກີບ ເພື່ອຈະມອບໃຫ້ເປັນຂອງຂັວນລາງວັນໃຫ້ກັບນັກກິລາຕື່ມອີກ, ຕອນທ້າຍຂອງພິທີ ທ່ານ ສີແສງເພັດ ຈັນໂທ ຍັງໄດ້ກ່າວສະແດງຄວາມຂອບໃຈນຳທາງຄອບຄົວຂອງທ່ານ ກອງທ່ຽນ ໄຊຍະພອນ ທີ່ໄດ້ມີນ້ຳໃຈນຳເອົາຊຸດກິລາ ແລະ ຂັນລາງວັນມາມອບໃຫ້ກັບນັກສຶກສາໃນຄັ້ງນີ້ ແລະ ຫວັງຢ່າງຍິ່ງວ່າການມາມອບໃນຄັ້ງນີ້ຄົງຈະບໍ່ແມ່ນຄັ້ງສຸດທ້າຍ ແລະ ຫວັງວ່າຄົງຈະມີຄັ້ງຕໍ່ໆໄປ.
ຂັນກິລາປະເພດບານສົ່ງ 1 ຂັນ,ເປຕັງ 1 ຂັນເພື່ອມອບໃຫ້ໂຮງຮຽນການ
ເມືອງການປົກຄອງຮັບໃຊ້ເຂົ້າໃນການສ້າງຂະບວນການແຂ່ງຂັນກິລາເພື່ອຕ້ອນຮັບວັນຊາດຄົບຮອບ
45 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 100 ປີ ມູນຄ່າ: 500.000 ກີບ
ຊົມເຊີຍເດີທ່ານ
ตอบลบ